Kelmend Balili është në duart e policisë shqiptare prej ditësh, por arrestimi i tij do të bëhet publik këtë fundjavë.
Një burim i rëndësishëm, dhe kofidencial padyshim, bëri të ditur se operacioni për kapjen e ish-funksionarit të LSI-së nuk është bërë në Shqipëri por në një vend fqinj; dhe në këtë operacion kanë marrë pjesë edhe forca të DEA-s amerikane.
Siç mësohet, Balili prej një muaji ka prishur paktin me DEA-n, që në fakt e kishte vendosur prej kohësh, kur edhe ka bashkëpunuar në kapjen e një numri të madh tradikantësh shqiptarë në disa vende të Europës.
Por burimi thotës se ky operacion ka shkaktuar një tronditje të madhe në politikën shqiptare, çka ka sjellë një zhvillim shumë të vrullshëm nga ana e Prokurorit të Përgjithshëm, i cili ka nxjerrë vetëm sot kartat ku akuzon dy deputetë dhe kreun e bashkisë së Kavajës, sërish për fshehje të dënimeve të tyre.
Pritet që mbi deklaratat e Prokurorisë të nisë një sulm i madh politik në ditët në vijim, pikërisht kur ditën e enjte në Kuvend do të diskutohet dekreti i Presidentit të Republikës për Ligjin e Mbetjeve.
Dy deputetët e Vlorës, Shkëlqim Selami i LSI-së dhe Dashamir Tahiri, i zgjedhur nga PDIU por i kaluar tek PD-ja, flitet se do ta votojnë kundër dekretin e Presidentit për ligjin në fjalë dhe shikohen si mbështetës të mundshëm të Edi Ramës, në rast se bëhet një tentative për rrëzim qeverie nga LSI-ja dhe PD-ja siç u përgatit në mesin e verës së shkuar.
Pra kjo fundjavë do të jetë shpërthyese me evenimente politike të forta: të enjten mblidhet Asambleja Kombëtare e PS-së ku do të flitet për aleancat e ardhshme; Gjykata Kushtetuese do të japë vendimin final për vettingun; ndërsa Parlamenti do të vendosë për Ligjin e Mbetjeve.
Ndërkohë, pritet që opozita të sulmojë ashpër, duke rimarrë çështjen e dekriminalizimit dhe t’i kërkojë Edi Ramës që të shkarkojë Elvis Roshin urgjent.
Dhe e gjithë kjo zhurmë duket se ka lidhje me Kelmend Balilin, i cili di shumë gjëra për politikën e në radhë të parë për partinë ku ka milituar dhe ka qenë një zyrtar i rëndësishëm i saj, LSI-në.
Pra të mëdhenjtë e politikës po shkëmbejnë kode force duke kërcënuar njëri-tjetrin dhe duke përdorur të fortët e lidhur me nëntokën e krimit.
Po cili është një kod i tillë? Ja për shembull njëri: nëse do të publikohet arrestimi i Kelmend Balilit, atëherë mund të arrestohen edhe dy deputetët, Selami e Tahiri, votat e të cilëve ruajnë ekuilibrat e brendshëm në Kuvend.
Pra Meta kërcënon Ramën dhe anasjelltas.
Vetë Ilir Meta ka qenë për dy orë takim në zyrën e kryeministrit këtë të mërkurë, por asnjë fjalë apo qëndrim zyrtar nuk ka dalë nga ato mure; asnjë mesazh apo qëndrim mbi objektin e takimit.
Siç thonë tek Fiksi, “nesër avazi, nesër” dhe duket se do të jetë një tërmet për politikën shqiptare… /tesheshi.com/
