Shumë komuna dhe fshatra të Kosovës po vazhdojnë të ballafaqohen me reduktime të ashpra të energjisë elektrike.
Edhe kryeqyteti, Prishtina është në situatë pothuajse të njëjtë, ku si pasojë po shkaktohen shumë probleme.
Profesori i Fakultetit të Edukimit në Universitetin e Prishtinës, Dukagjin Pupovci ka shprehur mllefin e tij pasi duke mbajtur provim me studentët kanë mbetur në terr, transmeton portali tesheshi.com.
“Nuk ja bajmë hallall KEDS-it që na la pa rrymë gjatë provimit. Faleminderit Samsung, Apple, Google e prodhues të tjerë të celularëve që i keni pajisë telefonat me drita! Pra, herën tjetër telefonat ngat vetes me bateri plot”, ka shkruar Pupovci në Facebook, derisa ka publikuar dy foto. /tesheshi.com/
