Ursula von der Leyen, presidente e Komisionit Evropian, tha se ajo do të nënshkruante një kontratë për deri në 160 milion doza të vaksinës eksperimentale të virusit koronar të zhvilluar nga Moderna.
Ajo shpjegoi se marrëveshja do të miratohet të mërkurën, ndërsa Bashkimi Evropian po përpiqet të ndërtojë “një nga portofolet më gjithëpërfshirës të vaksinave kundër COVID-19 në botë”.
Kontrata me Moderna-n do të jetë e gjashta e siguruar nga KE me kompanitë farmaceutike, duke lejuar një bllok prej 27 shtetesh anëtare të blejnë më shumë se një miliard doza vaksinash sapo të jenë gati.
“Ne jemi duke punuar për një kontratë tjetër,” tha Von der Leyen të martën.
Në fillim të këtij muaji, Moderna njoftoi se vaksina e saj ishte 94.5 për qind efektive, sipas të dhënave paraprake nga një studim i kryer nga kompania.
KE tha se sapo vaksina të jetë gati, të gjitha vendet e BE do ta marrin atë proporcionalisht në të njëjtën kohë. /tesheshi.com/
