Qeveria italiane ka akuzuar grupin mercenar rus Wagner se qëndron pas një numri në rritje të anijeve me emigrantë që përpiqen të kalojnë Detin Mesdhe, si pjesë e strategjisë së Moskës për t’u hakmarrë ndaj vendeve që mbështesin Ukrainën.
“Mendoj se tani mund të themi me siguri se rritja eksponenciale e fenomenit emigrant nga brigjet e Afrikës, me përmasa jo të vogla, është pjesë e një strategjie të qartë prej lufte hibride të aplikuar nga njësia Wagner, duke përdorur rëndësinë e saj në disa vende afrikane”, tha ministri i Mbrojtjes Guido Crosetto.
Rreth 20,000 njerëz kanë mbërritur në Itali deri më tani këtë vit, krahasuar me 6,100 në të njëjtën periudhë të vitit të kaluar, tregojnë shifrat e ministrisë së brendshme, pasi problemi i migracionit rrit presionin mbi qeverinë e krahut të djathtë.
Forcat e Wagner-it akuzohen se operojnë në disa vende afrikane, duke përfshirë Libinë, Malin dhe Republikën Qendrore të Afrikës.
Ftesë në NATO
Crosetto, një zyrtar i lartë në partinë e krahut të djathtë Fratelli di Italia të kryeministres Giorgia Meloni, u bëri thirrje aleatëve të NATO-s që të ndihmojnë Italinë të përballet me rritjen e ardhjeve të emigrantëve.
“Aleanca Atlantike do të jetë më e fortë nëse ndajmë barrën e përbashkët, por ekziston rreziku i plasaritjes nëse vendet më të ekspozuara ndaj hakmarrjes lihen vetëm,” tha ai.
Meloni, e cila ka një qëndrim të ashpër ndaj migrimit të paligjshëm, u sulmua muajin e kaluar pasi një anijembytjeje pranë rajonit jugor të Kalabrisë vrau 79 njerëz.
Të dielën, anija u përmbys pasi u largua nga Libia dhe organizata e ndihmës Alarm Phone akuzoi Italinë se nuk dërgoi një roje bregdetare, pavarësisht se u paralajmërua të shtunën se anija ishte në telashe. /tesheshi.com/
