Për herë të dytë në 30 vjet post-komunizëm, SHBA ka përcjellë mesazhin se kë dëshiron në pushtet pas 25 prillit.
“Është në interesin tonë që të kemi një aleat që është në gjendje të bëj pjesën e vet. Ne jemi të përkushtuar ndaj një Shqipërie që do zërë vendin e saj në Europë. Qeveria e Shqipërisë po punon në emër të qytetarëve dhe jo interesave të ngushta”, tha ambasadorja Yuri Kim gjatë një konference në prezantimin e rezultateve të raportit të Grupit të Shteteve Kundër Korrupsionit.
Ajo dha ta kuptuar se, si ndër investitoret kryesore të Reformës në Drejtësi, SHBA do kishte interes që kjo reformë të mos pengohej nga ndonjë ndryshim qeverisjeje më 25 prill.
“Ka pengesa si zyrtarë të korruptuar, poste zyrtare të përdorura për të promovuar palë politike”, ishte deklarata tjetër pikante e Yuri Kim.
“Shqipëria ka filluar në këtë rrugë hap pas hapi dhe reforma në drejtësi po jep rezultate. Në mars morët dritën jeshile nga BE. Kjo nuk është deklaratë e fitores. Ne kemi prioritet ecurinë e SPAK-ut. Ne presim që të shohim më shumë rezultate”, tha Kim.
Kujtojmë që hera e parë që SHBA mbështetën hapur një rotacion politik në Shqipëri, ishte ai i marsit ’92. Ishte ambasadori Rayerson ai që mbështeti hapur PD-në, pasi bëhej fjalë dhe për një rotacion regjimesh. /tesheshi.com/
