Miqësor me Macronin, armiqësor ndaj Le Pen shfaqet presidenti i Ukrainës Volodymyr Zelensky.
Në një intervistë me një stacion televiziv francez, Zelensky i bëri thirrje kandidates së ekstremit të djathtë, e cila është shpallur e padëshirueshme në Ukrainë, të rishqyrtojë pikëpamjet e saj miqësore për presidentin rus Vladimir Putin.
“Nëse kandidatja presidenciale e kupton se ka gabuar, (…) marrëdhënia jonë mund të ndryshojë,” tha ai, duke shtuar se ai kishte një marrëdhënie me Emanuel Macron që nuk do të donte ta humbiste.
Në të njëjtën mënyrë, lideri i opozitës ruse i burgosur Alexei Navalny u bëri thirrje francezëve të votojnë për Emanuel Macron në raundin e dytë të zgjedhjeve presidenciale franceze.
Në një seri postimesh në Twitter, Navalny tha se ishte “i tronditur” nga një kredi që partia e Le Pen kishte marrë në vitin 2014 nga një bankë ruse, për të cilën ai tha se po pastronte paratë e pista të krijuara nga Putin. “Doni që një politikan francez të marrë hua nga Cosa Nostra? Epo, është e njëjta gjë,” tha Navalny. /tesheshi.com/
