Komisioni Evropian ka propozuar që buxheti i Bashkimit Evropian për vitin 2020 të jetë 168.3 miliardë euro.
Fushat prioritare të financimit në vitin e ardhshëm janë zgjedhur ekonomi konkurruese, të rinjtë, forcimi e sigurisë dhe solidaritetit, si dhe lufta kundër ndryshimit të klimës.
“Projekt-buxheti i BE-së për vitin 2020 është propozimi i fundit Komisionit “Juncker”. Qëllimi i tij është që të vazhdojë të mbështesë prioritetet e BE-së, të tilla si punësim, rritje ekonomike, të rinjtë, ndryshimet klimatike, siguria dhe solidariteti, por edhe për të përgatitur kalimin në një buxhet të ri”, tha Komisioneri evropian për Buxhet dhe Burime Njerëzore, Guenther Oettinger.
Komisioni Evropian deklaron se deri në 21 përqind të buxhetit të propozuar synon të luftojë ndryshimet klimatike.
Më shumë se 83 miliardë euro duhet të shërbejnë për rritjen ekonomike në BE dhe mbështetje për të rinjtë.
Kur është fjala për sigurinë dhe solidaritetin, është deklaruar se paratë nga buxheti i BE-së janë të destinuara për nevojat brenda Unionit dhe më gjerë.
Është parashikuar financimi i Frontex – mekanizmi europian i Mbrojtjes Civile, zhvillimin e mëtejshëm dhe forcimin e sistemit Shengen, si dhe ndihma për popullin e Sirisë.
Propozimi i buxhetit të BE për vitin 2020 është plani i shtatë dhe i fundit në planin afatgjatë të buxhetit 2014-2020.
Plani i ardhshëm afatgjatë i buxhetit të BE-së i referohet periudhës 2021-2027, dhe u prezantua nga Komisioni Evropian në 2018. /tesheshi.com/
