Një trajner moshash nga akademia sportive vendase në Kazakistan, po përballet me humbjen e mundshme të vendit të punës për shkak se u ka prishur ritin e faljes disa prej futbollistëve-fëmijë që ai kishte në ekip.
Në një video që është e ndarë në rrjetet sociale, trajneri shihet të hyjë në një dhomë ku disa prej futbollistëve të rinj po kryejnë lutjen – namazin siç njihet te muslimanët, dhe reagon ndaj tyre fizikisht me nervozitet.
“Incidenti është duke u hetuar. Sigurisht që ne do të marrim masa kundër trajnerit i cili ndoshta do të pushohet nga puna”, tha Nurbol Zhunisbekov, kreu i edukimit fizik dhe sportit në rajonin Jambil ku ndodhi incidenti. /tesheshi.com/
