Dukej e pamundur por ja që ka ndodhur. Nursultan Nazarbaiev, Presidenti i Kazakistanit është konfirmuar edhe një herë në krye të shtetit duke fituar kështu zgjedhjet e fundit elektorale.
Ai ka arritur të mundë veten dhe kandidatët e tij konkurrentë në një fitore plebishitare. Rezultatet e zgjedhjeve presidenciale të parakohshme në Kazakistan nuk janë ende zyrtare, por sipas një exit polli të qendrës së kërkimit demokratik është vënë re se fitues në këto zgjedhje del presidenti aktual Nursultan Nazarbaiev me 97.5% të votave, me një fitore edh4e më të denjë se ajo e vitit 2009, ku Nazarbaiev fitoi me 96%.
Askush nuk kishte dyshime në vend se presidenti 74 vjeçar nuk do të fitonte zgjedhjet. Ai do të drejtojë vendin edhe për katër vite të tjera, pra deri më 2019.
Në të vërtetë nuk ishte një garë e mirëfilltë me kundërshtarë pasi opozita, e cila e akuzoi presidentin për një politikë represive sa u takon të drejtave njerëzore, hoqi dorë nga prezantimi i një kandidati për shkak të “votës farse”, ndërsa dy sfiduesit e vetëm të Nazarbaiev janë figura me një profil të ulët, të dy besnikë të pushtetit.
Nga njëra anë ishte 67-vjeçari Turgun Syzdykov, kandidat i Partisë Komuniste si dhe 63-vjeçari Abelgazi Kusainov shef i federatës së sindikatave, pasi ka mbajtur disa poste ministrore. Sipas exit pollit, ata këna fituar respektivisht nga 1% dhe 2%./tesheshi.com/
