Është vetëdorëzuar Habib Rexha, autori i vrasjes së 48-vjeçarit Arian Gosa në Kavajë, për trë cilin Policia caktoi dhe një shpërblim për çdo dëshmitër të mundshëm.
Rexha, nga Kukësi, me një dorë për shkak se tjetrën e ka humbur në fëmijëri pas një kontakti me tensionin në një kabinë elektrike, u vetëparaqit në Komisariatin e policisë së Kavajës, pas negociatave me familjarët e tij.
Arratia e tij zgjati vetëm 48 orë nga ngjarja e rëndë e ndodhur të dielën, kur ekzekutoi me plumb në kokë, Arian Gosën, teksa ky i fundit ishte në një lokal të qytetit së bashku me të atin e tij.
“Krahas kërkimeve intensive të zhvilluara për kapjen e shtetasit Habib Rexha, strukturat e Policisë negociuan dhe me familjarët me qëllim dorëzimin e këtij shtetasi. Si rezultat i veprimeve kërkimore, pamundësisë së largimit dhe negociatave me familjarët, shtetasi Habib Rexha u vetëdorëzua në Komisariatin e Policisë Kavajë”, thuhet në njoftimin zyrtar.
Kujtojmë se kjo ngjarje e kishte zanafillën rreth dy muaj më parë, ku vëllai i Arian Gosës, Edmondi, u vra gjatë një konflikti me vëllain e Habib Rexhës, Altinin, ku mbetën të vdekur të dy.
E ndërsa ky i fundit u qëllua me thikë në sy të fëmijës, vëllai i tij vrau të vëllanë e vrasësit të të vëllait në sy të babait. /tesheshi.com/
