Një mësuese në Kavajë e ka paguar me vend pune ftesën që ui ka bërë nxënësve për të marrë pjesë në një tubim ku do jetë i pranishëm dhe kryeministri Edi Rama.
Ministrja Nikolla e ka shkarkuar menjëherë Elona Bizhdillin e gjimnazit “Aleksandër Moisiu”, pasi u denoncua nga ish-kryeministri Sali Berisha nëpërmjet një videoje.
“Kam parë mësues dhe nxënës që marrin pjesë edhe në takimet televizive të Çadrës, por asnjë gjemb në këmbë nuk u ka hyrë dhe nuk do t’u hyjë për arsye politike”, tha Nikolla, pasi e hoqi nga puna vartësen e saj me motivin e shkeljes së urdhërit për të mos bërë propagandë politike në klasë.
“Mësuesit dhe nxënësit janë të lirë të aktivizohen politikisht, por jashtë mureve të shkollës”, shprehet nr. 1 i arsimit.
Kjo është ndër të rrallat raste në Shqipëri kur një arsimtar ndëshkohet për politizim gjatë orëve të mësimdhënies.
Ndërsa Berisha që e ka denoncuar këtë fakt, kur ishte në pushtet akuzohej rregullisht, me materiale filmike dhe fotografike, për përfshirje stafe arsimtarësh dhe nxënës në aktivitetet politike. /tesheshi.com/
