Lulzim Basha po investohet në kauzën e re të një prej dy gjysmave të PD-së që ai drejton, atë që posedon vulën dhe që konsiderohet zyrtare, që është mbështetja ndaj SPAK-ut. Nuk dihet kush ja ka sugjeruar, ndonjë i huaj apo ekspert politik vendas këtë lloj “rithemelimi” të PD-së së tij, duke e njehsuar veten me Prokurinë që të kall datën.
Në një komunikim të fundit me median, ai kumtoi: “E vetmja forcë politike që qëndron në mbështetje pa kushte ndaj SPAK, është Partia Demokratike e Shqipërisë. Buron nga një bindje e thellë se Shqipëria ka arritur në një pikë ku nuk mund të vazhdohet para pa çrrënjosur kulturën e pandëshkueshmërisë.
PD do të depozitojë javën e ardhme një sërë propozimesh ligjore lidhur me mbështetjen efektive të SPAK dhe BKH. PD do të kërkojë procedimin me shpejtësi të këtyre propozimeve. I pari ka të bëjë me amendamentet përkatëse në buxhetin e shtetit, për përmbushjen e burimeve njerëzore. Do të kërkojmë fonde të mjaftueshme.”
Çështja është se si do reagonte Basha nëse një dite i dilte emri dhe atij për t’u hetuar nga instanca e frikshme që drejtohet nga Altin Dumani, pas së cilit janë amerikanët.
Vetë Basha është përfolur për disa afera, ndërkohë që një rihetim i 21 Janarit mund ta godasë dhe vetë atë si ish-ministër i Brendshëm atë kohë. /tesheshi.com/
