Situata politike në Maqedoni po përcillet me shumë vëmendje edhe nga mediat e vendeve të rajonit. Kështu, versioni elektronik i grekes Kathimerini ka publikuar një tekst me titullin “Baraspesha të reja dhe aleanca në IRJM” në të cilin përqendrohet në krizën politike për formimin e qeverisë në Maqedoni.
Sipas medias së njohu të Athinës, në Maqedoni ka “krizë të brendshme etnike midis maqedonasve dhe shqiptarëve, e cila kanoset të shkaktojë pasiguri postzgjedhore në vend”.
“Tri partitë shqiptare (BDI, BESA dhe Aleanca për shqiptarët) të cilat hynë në parlamentin e ri, nën udhëheqjen e qeverive të Shqipërisë dhe Kosovës promovojnë agjendë të përbashkët, zbatimin e së cilës e vendosën si kusht që të marrin pjesë në qeverinë e re”, shkruan Kathimerini.
Gazeta më pas shton se “duke e pasur parasysh atë se asnjë prej partive më të mëdha të Maqedonisë, VMRO-DPMNE e ish-kryeministrit Nikolla Gruevski dhe LSDM-ja e Zoran Zaevit nuk kanë shumicë parlamentare, do t’u duhet mbështetja e deputetëve shqiptarë të cilët tani bëhen faktorë që e rregullon zhvillimin e ngjarjeve.
Katimerini sqaron se nëse BDI-ja e cila i ka 10 deputetë apo dy partitë e tjera shqiptare, nuk bashkohet me Gruevskin apo Zaevin duke e bërë të pamundur formimin e një qeverie të re të qëndrueshme, vendi do shkojë sërish në zgjedhje në prill. M.Krasniqi – /tesheshi.com/
