Ndërtesa ”Berllemont” e KE-së është gati të pranojë katërshen politike të Shkupit: Nikolla Gruevski, Zoran Zaev, Menduh Thaçi dhe Ali Ahmeti, të cilët kanë aritur në Bruksel me strategjitë e tyre për tejkalimin e krizës politike, më e thella nga pavarësimi i Maqedonisë, nëse përjashtohet konflikti i vitit 2001.
Çështja kryesore e cila do të negociohet sot është se çfarë qeverie do të organizojë zgjedhjet e jashtëzakonshme të cilat do të mbahen në prill të vitit 2016, ndërsa për ta lehtësuar dialogun në Bruksel janë ambasadorët e BE-së dhe SHBA-ve, Aivo Orav dhe Jess Baily.
Sipas paralajmërimeve, diskutimet e liderëve politik do të jenë nën ndërmjetësimin e komisionerit evropian për Zgjerim dhe Politikë të Fqinjësisë, Johannes Hahn, për të cilat nuk ka limit kohor, ndërsa në bazë të axhendës takimit duhet t`i paraprijë një tjetër takim i përbashkët, para se të fillojnë negociatat të cilat përshkruhen si të rënda
Në pjesën e bisedimeve me dyer të mbyllura është e mundur të marrin pjesë vetëm liderët politikë, ndërsa në takimet tjera do jenë “një plus një “, gjë që nënkupton se udhëheqësit mund të shoqërohen nga një anëtarë i delegacionit të tyre.
Më 2 qershor në Shkup, katër udhëheqësit politikë në takimin me komisionerin Han nënshkruan një marrëveshje të kushtëzuar për të mbajtur zgjedhje të parakohshme parlamentare në prill të vitit të ardhshëm, dhe në periudhë kalimtare deri atëherë, duhet të zgjidhen çështje të rëndësishme që lidhen me legjislacionin zgjedhor dhe reformat që rezultojnë nga kapitujt 23 dhe 24 – sundimi i ligjit: gjyqësor i pavarur, liria e medias, të drejtat e njeriut etj./tesheshi.com/
