Katër vjedhje brenda katër javësh. Kjo bastisje ka ndodhur në një prej dyqaneve të shpërndarësit Eni në Itali, ku vjedhja e fundit është regjistruar gjatë natës së të hënës duke gdhirë e marta, rreth orës 3 të mëngjesit, në Padova.
Duke nisur aksionin rreth orës 22:45, hajdutët kanë hyrë në një nga baret që ndodhet pranë shpërndarësit. Duke mos gjetur shumë gjëra brenda, duke qenë se lokali ishte vjedhur edhe disa herë të tjera më parë, hajdutët kanë marrë disa karamele, proshutë, disa shishe dhe kanë bërë vendin rrëmujë.
“Jam shumë e acaruar, – thotë Naida Rinaldi, e cila drejton distributorin dhe që ka vendosur të komunikojë me hajdutët përmes një letre që u ka lënë në derën e lokalit, – Tani nuk jemi më të mbrojtur dhe nuk mund të vazhdojmë në këtë mënyrë”.
Ndër të tjera, në letër shkruhet: “Të nderuar hajdutë… nuk ka më asgjë për të vjedhur”. /tesheshi.com/
