Katër ushtarë amerikanë kanë vdekur gjatë stërvitjeve në Lituani, tha sonte Sekretari i Përgjithshëm i NATO-s Mark Rutte gjatë një vizite në Varshavë.
“Ndërsa po mbaja fjalimin tim, erdhi lajmi për vdekjen e katër ushtarëve amerikanë në një incident në Lituani”, u tha Rutte gazetarëve, duke shtuar se ai nuk dinte detaje për momentin.
Ambasada amerikane në Vilnius tha më herët të mërkurën se katër ushtarë amerikanë u zhdukën të martën pasdite dhe se ushtria dhe policia e vendit baltik po kërkonin për ta, së bashku me ushtrinë amerikane.
Ata theksuan se ushtarët u zhdukën në një terren stërvitor pranë Pabrade në Lituaninë lindore, afër kufirit me Bjellorusinë.
Është raportuar se “ushtarët e Brigadës së I-rë, Divizioni i III-të i Këmbësorisë po kryenin stërvitje të planifikuar taktike në momentin e incidentit”.
Ushtarët e Brigadës së Parë të Divizionit të 3-të të Këmbësorisë u zhdukën ndërsa kryenin stërvitje rutinë në një zonë ushtarake pranë kufirit me Bjellorusinë.
“Unë do të doja të falënderoja Forcat e Armatosura të Lituanisë dhe zyrtarët përkatës që na erdhën shpejt në ndihmë në operacionet tona të kërkimit,” tha nënkoloneli Charles Costanza, komandant i Korpusit të Pestë të Ushtrisë Amerikane.
Zyrtarët ushtarakë nuk kanë bërë të ditur identitetin e ushtarëve të zhdukur dhe po hetohet për rrethanat e zhdukjes së tyre.
Forcat amerikane marrin pjesë rregullisht në stërvitje të përbashkëta stërvitore me aleatët e NATO-s në Lituani, një vend i vogël me rreth 1.9 milionë banorë që ndodhet midis Rusisë dhe Detit Baltik. /tesheshi.com/
