Katër persona janë arrestuar sot në kuadër të hetimeve nga policia spanjolle lidhur me varjen e një kukulle me imazhin e sulmuesit të Real Madridit dhe ekipit brazilian të futbollit, Vinicius Junior, në janar të këtij viti.
Të arrestuarit u akuzuan për “krim të urrejtjes”, një kategori që mbulon edhe veprat raciste në Spanjë.
Tre nga të arrestuarit janë anëtarë aktivë të një prej grupeve të tifozëve ultras të Klubit Mbretëror.
Një manekin me bluzën e Vinicius ku shkruhej “Madridi e urren Realin” u var jashtë kampit stërvitor të Realit një ditë pasi Reali mundi rivalët e qytetit Atletico 3-1 në çerekfinalen e Kupës së Spanjës.
Real Madrid e karakterizoi incidentin si një “akt të poshtër, të neveritshëm, racist dhe ksenofobik”, ndërsa Vinicius tha se “shpreson që përgjegjësit do të ndëshkohen”.
Në të gjithë Spanjën, Vinicius rregullisht bie në konflikt me tifozët rivalë, e shpeshherë edhe me lojtarët, ndaj u përjashtua në ndeshjen kundër Valencias të dielën, pas një sherri verbal me portierin Mamardashvili. /tesheshi.com/
