Toksinat janë pjesë e jetës së përditshme nga të cilat nuk mund të shpëtojmë. Ata janë përreth nesh, në ajër, ujë, ushqim, por edhe në trupin tonë.
Po ju sjellim katër burime të mëdha të toksinave në jetën tonë të cilat duhet t’i shmangim ose t’i rregullojmë, përndryshe ato do të shkaktojnë probleme shëndetësore.
Mungesa e gjumit: Ne kemi nevojë për një gjumë kualitativ pnë mënyrë që trupi ynë të kryejë proceset e brendshme të detoksifikimit. Ekspertët rekomandojnë tetë orë gjumë çdo natë. Nëse keni ndonjë problem me gjumë, përpiquni të stabilizoni ritmin tuaj, të shkoni në shtrat çdo ditë në të njëjtën kohë. Mungesa e gjumit do të ndikojë keq në shëndetin tuaj.
Ushqimi i gatshëm: Kur lodhemi nga puna, nganjëherë gjëja më lehtë është të hyjmë në një fast-food dhe të hamë ushqim të gatshëm. Sidoqoftë, futja e ushqimeve të gatshme në trup duhet të jetë minimal dhe duhet të shmangim konsumimet e shpeshta të ushqimeve të tilla, si ato që nuk përmbajnë ushqyes të domosdoshëm dhe shpesh janë plot me yndyrna jo të shëndetshme, sheqerna dhe toksina.
E kaluara “jo e shëndetshme: Nëse keni pirë duhan, keni konsumuar ushqim të shpejtë ose keni pirë sasi të mëdha alkooli për një kohë të gjatë, kjo do të ketë pasoja afatgjata për shëndetin tuaj. Edhe kur çlirohemi nga këto “vese”, trupi i kujton ato. Kur trupi ynë është i mbingarkuar me toksina, ai duhet të gjejë një vend ku do t’i “ruajë” ato dhe më së shumti i deponon ato në indin dhjamor. Prandaj, mjekët rekomandojnë që ju të merrni një program të vogël detoksifikimi të paktën një herë në vit për të eliminuar toksinat e “fshehura”.
Produktet për pastrim: Ne duam një shtëpi të pastër pa baktere, kështu që shpesh përdorim një gamë të produkteve të pastrimit që përmbajnë kimikate dhe madje edhe nëse janë të përshtatshme për qëllimin e tyre, ato nuk janë vërtet të mira për shëndetin nëse i përdorim gabimisht. Kur pastroni, mbrojini duart me dorashka gome dhe nëse produkti thotë të mbroni traktin e frymëmarrjes, sigurohuni që ta bëni këtë. /tesheshi.com/
