Katër ministra kanë “mësyrë” në zyrën e Kryeprokurorit të ngarkuar me dosje të trasha për të hapur hetimet ndaj disa zyrtarëve apo ish-zyrtarëve shtetërorë.
Ministri i Brendshëm, Tahiri, ai i Drejtësisë, Manjani, i Financave, Shkëlqim Cani si dhe ministri i Mjedisit Koka kanë kërkuar rol të policisë së shtetit, asaj tatimore, policisë së pyjeve dhe asaj të burgjeve.
Pas mbarimit të takimit, Tahiri dhe Manjani thanë se diskutuar për forcimin e luftës kundër korrupsionit dhe krimit ekonomiko-financiar.
“Në mënyrë që procedimet penale ndaj atyre që shkelin ligjin të jenë të shpejta në kohë dhe ata që shkelin ligjin të marrin dënimin e merituar. Takime të tjera do të pasojnë për rakordimin e çështjeve konkrete, veçanërisht korrupsionit dhe krimit ekonomiko-financiar. Fillimisht në linjë parimi biseduam për koordinimin më të mirë të agjencive në tërësi, kualifikimit të burimeve njerëzore për të çuar me sukses para dhe sa më shpejt procedimet penale”, sqaroi ministri Tahiri.
/tesheshi.com/
