- Kërkimi i informatave mbi vendin e punës nga anëtarët e familjes, miqtë, të njohurit, njerëzit në komunitetin lokal, institucionet për këshillim, në shkollat ku jemi arsimuar janë metodat që rekomandojmë.
Thjesht, mund t’i pyesim të gjithë ata që na bien ndër mend nëse ai/ajo di ndonjë vend të lirë, aty ku ai punon, ose diku tjetër.
Kjo është provuar të jetë një nga mënyrat më të mira të kërkuarit të punës. Suksesi i kësaj metode është gati pesë herë më e lartë se sa metoda e dërgimit të CV-së në adresa të ndryshme.
- Së dyti, të trokitja në derën e cilitdo punëdhënës – zyrë, fabrikë, zanate, shoqata, etj., që ju intereson, dhe kjo pavarësisht nëse keni apo jo njohuri nëse ata kanë nevojë për punëtorë të rinj apo jo.
Kjo metodë është rezulton më e suksesshme se sa mund ta keni pritur. Edhe pse sot nuk është e zakonshme “trokitja në derën e dikujt”, ka ende shumë punëdhënës që vlerësojnë këtë lloj proaktiviteti. Natyrisht, para se të dilni për të kërkuar punë”, mendojeni mirë biografinë dhe qasjen tuaj – atë që do ta thoni dhe mënyrën se si do ta thoni.
- Kërkimi i punës përmes kontakteve të biznesit, për të identifikuar bizneset apo fushat e interesit në vendin ku dëshironi të punoni. Pas identifikimit, vjen thirrja e punëdhënësve, prezantimi i vetes dhe pyetja nëse ju duhet një person për punë me kualifikimet tuaja.
Është gjithashtu e rëndësishme për të hartuar biografinë tuaj dhe të paraqisni veten në dritën më të mirë.
- Të dërguarit e CV-së në adresat e ndryshme ju mundëson që të kryeni punën nga shtëpia juaj dhe kjo ka përparësi të madhe. Punoni në biografinë tuaj, le të jetë ajo autentike, e shkruar profesionalisht, dhe interesante. Tregojuani njerëzve në të cilët keni besimCV-në – një shoku, kolegu apo dikujt që mund t’ju japin këshilla dhe t’ju tregojnë se çfarë ai sheh kur të lexojë biografinë tuaj. Mos jini i vetmi person që e ka lexuar atë.
Është e rëndësishme të theksohet se puna është më e suksesshme sa më shumë metoda që praktikoni. Mos u mbështetni vetëm në njërën. Gjasat për të gjetur një punë rritet me çdo metodë shtesë që ju përdorni, por jo më tepër se katër metodat. Duke përdorur më shumë se nga këto të katërta, kjo do të jetë kundërproduktive për shkak se më shumë se katër vështirë se do t’i praktikoni si duhet – dhe kjo do t’ju marrë shumë kohë dhe energji të nevojshme. /tesheshi.com/
