Lëvizja Vetëvendosje ka propozuar zyrtarisht katër deputetë të saj, si kandidatë për kryetar të komunave.
Sami Kurteshi është kandidat për komunën e Gjilanit, Mytaher Haskuka për Prizrenin, Driton Çaushi për Gjakovën dhe Salih Salihu për Vitinë.
Nëse këta zgjidhen kryetarë të komunave, vendin e tyre për deputetë, në bazë të numrit të votave që kanë, sipas listës së dalë pas zgjedhjeve të 11 qershorit, do ta zënë: Shemsi Syla me 6.478 vota, Ylli Hoxha 5, 962 vota, Hydajet Hyseni Kaloshi me 5, 330 vota dhe Avni Tafili me 5, 206 vota.
Ndërkohë, edhe pse ende nuk është zyrtare, sipas “KosovaPress, flitet se edhe dy deputetë të tjerë nga kjo parti do të jenë në garë për kryetarë të komunave: Dardan Sejdiu për Ferizajn dhe Aida Dërguti për Vushtrrinë. /tesheshi.com/
