Dy njerëz u vranë dhe rreth 70 u plagosën në një përplasje -zinxhir të rreth 200 automjeteve në një rrugë të ngjeshur në periferi të qytetit kanadez të Montrealit, raportojnë mediat kanadeze.
Dy viktimat mbetën të bllokuar në makinat e tyre disa orë pas përplasjes, e cila ndodhi në La Prairie, Quebec.
Rreth 70 njerëz u plagosën, disa prej tyre në mënyrë kritike, sipas The Guardian.
Pamjet e përplasjes treguan se në mesin e automjeteve të përfshirë në përplasje ishin një furgon shkolle, një autobot me material të djegshëm, por për fat të mirë, nuk pati zjarr.
“Pothuajse gjithçka me katër rrota ishte përfshirë në përplasje,” tha rreshteri Marie-Michelle Moore.
Disa automjete ishin në majë të njëra-tjetrës dhe disa ishin shkatërruar përtej njohjes. Rreth 75 automjete duheshin tërhequr, ndërsa rreth 50 kaluan me më pak dëme.
Sekretari i Transportit i Quebec, François Bonnardel, tha në një konferencë shtypi se përplasja zinxhir ka të ngjarë të jetë shkaktuar nga dëbora në Autostradën 15, e cila gjithsesi ishte pastruar dy herë rreth një orë para rrëzimit.
“Makinat po qarkullonin, kishte erëra të forta … dhe papritmas nuk mund të shihje asgjë. Dhe atëherë filloi katastrofa mbushja”, tha Bonnardel. /tesheshi.com/
