Shkupi nuk dëmshpërblenë qytetarët që u dëmtuan nga katastrofa natyrore
Kaos i vërtetë kaploi Shkupin të shtunën, ku nga moti i rënduar me shi e furtunë kapi pjesën qendrore duke shkaktuar dëme të mëdha.
Vetëm për pak çaste era me shpejtësi prej 80 km në orë ka rrëzuar shumë pemë duke bllokuar komunikacoinin, por edhe njerëz.
Qytetarët të shqetësuar nga kjo katastrofë natyrore që goditi Shkupin thonë se ka patur momente kur kanë rrezikuar jetën duke ndihmuar për mbrojtjen e të tjerëve nga rrëzimi i pemëve. Ata fajësojnë autoriteteve komunale që nuk kanë pastruar kanalet në kohë dhe për këtë rrugët janë shndërruar në lumenj të vërtetë.
Zyrtarisht janë evidentuar 80 pemë të rrëzuara nëpër rrugë, disa të nxjerra nga rrënjët e disa të thyera e të rëna mbi vetura, dhe tela të këputura të rrymës. Deri në patrimin e plotë të rrugëve nga drunjtë do të duhet një javë punë, theksojnë nga Komuna.
Ndaj ankesave të qytetarëve që kanë pasur dëme materiale, nuk do të ketë dëmshpërblime nga ndërmarrjet publike. Komuna e Shkupit akoma nuk ka qëndrim të prerë se dëmet e një dite më parë mund të mos u paguhen qytetarëve.
Siç thotë shefi i Shtabit për Mbrojtje dhe Shpëtim, Emil Duroviç, era që ka shkaktuar dëmet ishte më e fortë se 72 km në orë, që klasifikohet si fatkeqësi.
“Kur era është nën 72 kilometër në orë, dëmin e mbulojnë ndërmarrjet publike, mbi 72 km në orë llogaritet si fatëkeqësi dhe ajo tashmë është fuqi mbinatyrore. Kjo do të thotë se nuk do të dëmëshpërblehen”, u shpreh Duroviq.
Sipas Ligjit për Mbrojtje dhe Shpëtim, obligohet qeveria me bashkësitë lokale qs të ndajnë nga buxheti para për dëmshpërblimin e dëmeve nga fatkeqësitë natyrore, për të cilat janë bërë vlerësime dhe qeveria duhet të marrë vendimin e dëmshpërblimit.
Kryetari i Shkupit, Petre Shilegov siguroi se kanalizimi dhe rrugët do të jenë të gatshme dhe pa problem do të pranojnë reshjet e radhës.
“Për ne është e rëndësishme që arritëm që në një periudhë të shkurtër ta sanojmë infrastrukturën e rrugëve dhe rrjeti nëntokësor është i gatshëm që t’i pranojë reshjet e reja të shiut pa problem”, tha Shilegov.
M.Hasani – /tesheshi.com/
