Real Madrid ka njoftuar se ka shkarkuar trajnerin Julien Lopetegui për shkak të një sërë rezultatesh negative. E gjitha kulmoi në humbjen e madhe në El Classico kur Real Madrid u shkatërrua nga rivalja Barcelona me rezultatin 5-1.
Real Madrid ka njoftuar shkarkimin në faqen zyrtare, ku njoftohet njëherësh se kush do e zëvëndësojë.
“Vendimi është marrë me qëllim të ndryshimit të ekipit në një kohë kur të gjitha qëllimet për këtë sezon janë ende të realizueshme. Bordi i Drejtorëve i Real Madridit mendon se ka një dallim të madh mes cilësisë së ekipit ku janë tetë lojtarë të nominuar për Topin e Artë, një rekord ky në historinë e klubit, dhe rezultateve të mëparshme. Klubi falënderon Julen Lopetegui dhe ekipin për përpjekjet dhe punën e deritanishme dhe dëshiron që ata të jenë të suksesshëm në karrierën profesionale. Lopetegui do të zëvendësohet përkohësisht nga Santiago Solari”, thuhet në deklaratën e klubit mbretëror.
Interesante! Lopetegui u shkarkua nga drejtimi i stolit të Spanjës vetëm morri drejtimin e Real Madrid. Kjo ndodhi pak para Botërorit. Kjo bëri që Lopetegui të zëvëndësohej nga Hiero. /tesheshi.com/
