Emiri i Katarit, Sheikh Tamim Bin Hamad Al-Thani ka urdhëruar qeverinë e tij që të paguajë shpenzimet e furnizimit me energji elektrike të Gazës për tre muaj, njoftuan burime zyrtare.
Ambasadori i Katarit në Palestinë njoftoi Autoritetin Palestinez në Ramallah se vendi i tij do të paguajë 4 milion dollarë në muaj, si pjesë e kësaj marrëveshjeje.
Mohamed Al-Emadi lëshoi një deklaratë për shtyp për të shpjeguar se fondet do të transferohen në llogari të Autoritetit Palestinez “menjëherë”, në mënyrë që të lehtësojë vuajtjet e palestinezëve në Gaza. Ai gjithashtu vuri në dukje se ka intensifikuar kontaktet me Autoritetin në lidhje me propozimet aktuale për të gjetur një zgjidhje të përhershme për krizën.
Ambasadori shpjegoi se këto vendime janë bërë pas një takimi në mes të Amir Tamim dhe zyrtarit të lartë të Hamasit, Ismail Haniyeh në Doha. /tesheshi.com/
