Në fazën e fundit të shitjes së biletave për Kupën e Botës në Katar, FIFA ka pranuar 23.5 milionë aplikime për bileta, raporton AFP.
Ky është dhjetëfishi i numrit të biletave falas, tha Shoqata Botërore e Futbollit.
Shumica e kërkesave për bileta erdhën nga Argjentina, Brazili, Anglia, Franca, Meksika, Katari, Arabia Saudite dhe Shtetet e Bashkuara.
Bileta më e kërkuar është ajo për finale e datës 18 dhjetor, ndërsa kërkesa më e madhe në fazën e grupeve është për ndeshjet Argjentinë – Meksikë, Argjentinë – Arabi Saudite, Angli – SHBA dhe Poloni – Argjentinë.
Biletat janë mesatarisht 30 për qind më të shtrenjta se sa në kampionatin e fundit në Rusi në 2018. Bileta më e shtrenjtë për finalen kushton 1600 dollarë, që është 45 për qind më shumë se katër vjet më parë.
Janë në dispozicion përafërsisht dhe dy milionë bileta të tjera. 804,186 bileta u shitën në fazën e parë në janar dhe shkurt, ndërsa FIFA ka 1.2 milionë bileta shtesë në dispozicion për sponsorët dhe mysafirët e saj.
Ndeshja hapëse e Botërorit mes Senegalit dhe Holandës do të zhvillohet më 21 nëntor në stadiumin Lusail, me një kapacitet prej 80 mijë vendesh.
Katari pret që 1.4 milionë tifozë të vizitojnë vendin gjatë Kupës së Botës. /tesheshi.com/
