Qiejt gri dhe reshjet e rastit nuk e prishën humorin për Ditën Kombëtare të Katarit pasi mijëra banorë dolën në rrugë për të parë paradën vjetore ushtarake në Rrugën Corniche në kryeqytetin Doha.
Festimi, i mbajtur këtë vit nën sloganin “Al Maali Kaydah” (“Rruga për përsosmëri është e vështirë”), filloi me fluturime të avionëve luftarakë, të cilët linin pas tym në ngjyrat e flamurit të Katarit.
Kjo shënoi bashkimin e Katarit në 1878 nën udhëheqjen e themeluesit të vendit, Sheikh Jassim bin Mohammed Al Thani, dhe festimi mbahet çdo vit që nga 2007-ta.
Të mërkurën, emiri i Katarit, Sheik Tamim bin Hamad Al Thani, mori pjesë në paradën një-orëshe me babanë e tij, Sheikh Hamad.
Parada filloi pas himnit kombëtar dhe breshërisë së përshëndetjes nga 18 topa, e ndjekur nga forcat tokësore, ajrore dhe detare, si dhe Garda Presidenciale e Lekhwiya-s dhe forcat e sigurisë.
Në marshim morën pjesë gjithashtu forca nga Ministria e Brendshme, Rojet Bregdetare, Patrulla Kufitare dhe policia e trafikut.
Më pas, Sheiku Tamim në detin e flamujve të Katarit përshëndeti të pranishmit.
Ndërsa e shoqja, Asma Al Thani vlerësoi unitetin dhe diversitetin e Katarit, si dhe një mundësi për të treguar dashurinë për vendin.
“Eshtë një ditë kur të gjithë mund të jemi të pajtueshëm ndaj Katarit për të gjithë atë që na ka dhënë”, tha ajo.
“Festimi na jep shumë fuqi dhe na bën më të sigurt,” shtoi më tej, duke aluduar për situatën politike në Gjirin dhe politikat e fqinjëve të Katarit.
Arabia Saudite, Bahreini dhe Emiratet e Bashkuara Arabe në qershor 2017, së bashku me Egjiptin, ndërprenë lidhje diplomatike me Katarin dhe vendosën një bllokadë detare, ajrore dhe tokësore mbi të, duke akuzuar Dohan për “mbështetje të terrorizmit”, të cilën Katar e mohon.
Katari, një vend me një popullsi prej 2,75 milion, nga të cilët gati 90 përqind janë të huaj, ka arritur të kapërcejë problemet që krijoi bllokada.
Në javët e kaluara, ministri i jashtëm i Katarit ka bërë një numër deklaratash duke thënë se marrëdhëniet mes Dohas dhe Riadit po lëvizin në një drejtim më të mirë.
Kujtojmë se Ambasada e Katarit në Tiranë e anulloi pritjen me rastin e Ditës Kombëtare, në shenjë solidariteti për pasojat e tërmetit. /tesheshi.com/
