Katari, në bisedime me Rusinë për sistemin ajror të përparuar S-400

Katari po zhvillon bisedime me Moskën për blerjen e sistemeve të mbrojtjes raketore kundërajrore S-400, tha ambasadori i Katarit në Rusi në një intervistë të botuar të enjten. “Bisedimet janë në një fazë të përparuar”, tha Fahad bin Mohammed Al-Attiyah në një intervistë me agjencinë ruse të lajmeve TASS.

Ai shtoi se Katari po negocionte gjithashtu blerjet e pajisjeve ushtarake për trupat tokësore të Katarit. Ai kujtoi se gjatë vizitës së ministrit rus të Mbrojtjes, Sergei Shoigu në Doha në tetor 2017, u nënshkrua një marrëveshje mbi bashkëpunimin ushtarak-teknik midis dy vendeve. “Kjo hap rrugën për bashkëpunim të mëtejshëm midis Rusisë dhe Katarit në fushën e mbrojtjes, duke përfshirë furnizimin me pajisje ushtarake, trajnimin e oficerëve dhe ushtarëve, mirëmbajtjen e makinerive dhe natyrisht bashkëpunimin nëpërmjet shërbimeve speciale”, tha Attiyah.

Ambasadori tha gjithashtu se “shumë shpejt do të kemi një atashe ushtarak të Katarit në Rusi dhe një atashe ushtarak rus në Doha”. Sistemi S-400, i cili u prezantua në vitin 2007, është brezi i ri i sistemeve raketore ruse, dhe deri tani Rusia i ka shitur ato vetëm në Kinë dhe Indi.

usia gjithashtu nënshkroi një marrëveshje prej shumë se 2 miliardë dollarë me Turqinë për dërgimin e dy sistemeve të mbrojtjes S-400. Sipas Moskës, rreth 10 vende nga Lindja e Mesme dhe Azia Juglindore janë në negociata për të blerë sistemet e mbrojtjes ajrore. /tesheshi.com/