Katari po merr pjesë në një takim koordinativ arab në kryeqytetin e Emirateve të Bashkuara Arabe në Abu Dabi. Takimi vjen mes përgatitjeve për të mbajtur një sesion të ri të dialogut midis shteteve arabe dhe Kinës.
Delegacioni i Katarit në këtë takim drejtohet nga përfaqësuesi i përhershëm në Lidhjen Arabe, Ibrahim bin Abdulaziz al-Sahlaui.
Një takim koordinues mbarëarab është planifikuar për të martën, si pjesë e përgatitjeve për sesionin e pestë të dialogut politik arabo-kinez.
Takimi i sotëm po zhvillohet teksa kriza e Gjirit ka hyrë sapo në vitin e tretë. Në qershor të vitit 2017, Arabia Saudite, Emiratet e Bashkuara Arabe, Bahreini dhe Egjipti ndërprenë papritmas lidhjet me Dohan, duke e akuzuar atë për mbështetjen e grupeve terroriste.
Katari, nga ana e vet, i ka mohuar në mënyrë të vazhdueshme pretendimet duke përshkruar embargon saudite kundër asaj që e quan shkelje e së drejtës ndërkombëtare. /tesheshi.com/
