Ish presidenti i UEFA-s dhe kreu i futbollit evropian, Michel Platini, është arrestuar për shkak të vendimit për të mbajtur Botërorin 2022 në Katar.
Ish kampioni francez është ndaluar dhe më pas arrestuar nga policia franceze në periferi të Parisit, si pjesë e hetimeve për korrupsion.
Qysh në fillim të përzgjedhjes së nikoqirit të Botërorit 2022, kanë qarkulluar zëra se ka pasur ndërhyrje në zgjedhjen e vendit mikpritës të ngjarjes kryesore të futbollit në botë.
63 vjeçari ka qenë president i UEFA-s nga janari i 2007-tës, dhe qëndroi në detyrë deri në vitin 2015, kur edhe nisën hetimet për korrupsion. /tesheshi.com/
