Mijëra banorë të varfër të Gazës morrën ndihma me vlerë qindra dollarë nga shteti i Katarit, raporton AFP, pasi vendi i Gjirit ka siguruar më shumë se 15 milionë dollarë ndihmë për territoret palestineze.
Qindra njerëz pritën në zyrën postare në Rripin e Gazës për të marrë ndihmë në vlerë prej 100 dollarë.
Mediat palestineze cituan një deklaratë të mëparshme nga ambasadori i Katarit në Rripin e Gazës se ndihma do të ndahej për të varfërit.
“Granti i Katarit për familjet në nevojë do të jetë funksional për 94,000 familje”, cituan mediat palestineze ambasadorin Mohammed el-Emadi.
Gazeta izraelite Haaretz njoftoi se familjet në Gaza do të marrin një total prej 400 dollarë në katër këste mujore.
Katari është zotuar të dërgojë 15 milionë dollarë në Gaza çdo muaj, si pjesë e një marrëveshjeje joformale midis Izraelit dhe Hamasit, partisë në pushtet në Gaza, e cila u arrit në nëntor.
Sipas marrëveshjes, Izraeli do të lejojë që grantet të kalojnë nëpër territorin e saj në këmbim të një situate relativisht paqësore në kufirin me Gazën.
Shumica e fondeve do të përdoren për të paguar pagat për zyrtarët e Hamasit, por rreth pesë milionë dollarë në muaj do t’u kalojnë më të varfërve. /tesheshi.com/
