Skena dramatike në derbin e Ligës së Yjeve të Katarit Al Wakrah-Al Sadd me Sheikh Hassan Al Thani, president i skuadrës vendase, duke u futur në fushë pasi arbitri sinjalizoi një penallti të diskutueshme kundër ekipit.
Ora në stadiumin dhe parkun Al Janoub, shtëpia e Al Wakrah, tregonte minutën e 65-të të përballjes me Al Sadd, që ishte edhe derbi i madh i ligës së Katarit, kur gjyqtari Abdulrahman Al Jassim dha një penallti për prekje topi me dorë pas rishikimit në VAR.
Pork jo shkaktoi protesta të forta nga skuadra vendase me presidentin e klubit (dhe anëtar të familjes mbretërore) Sheikh Hassan Al Thani duke lënë suitën e tij VIP dhe duke zbritur në fushë, duke i bërtitur me tërbim gjyqtarit.
Njerëz të gardës së tij, por edhe të skuadrës tentuan ta frenojnë, ndërsa të njëjtën gjë bënë edhe futbollistët e skuadrës së tij, ku Sheikh fillimisht tregoi se nuk bindej nga askush.
🇶🇦 A football match was stopped due to the president of Al-Wakrah Club, Sheikh Khalifa bin Hassan Al-Thani, protesting against the decisions of the match referee and wanted to withdraw his players after the ref awarded the opposition with a penalty. pic.twitter.com/8FjEfgQy68
— AlAudhli العوذلي ™ (@alaudhli) February 25, 2024
Në pak minuta pati një kaos të vërtetë me largimin e Sheikhut dhe Akram Afif, një hero kombëtar pasi Katari fitoi Kupën e Azisë me hat trick-un të tij, duke humbur penalltinë duke e dërguar topin mbi tra.
Në minutën e 76-të, Al Wakrah u reduktua në 10 lojtarë pasi portieri saudit u përjashtua (për një faull jashtë zonës), megjithatë vendasit mbajtën rezultatin 0-0 dhe qëndruan -4 pas Al Sadd në krye.
Dhe nëse reagimi i Sheikhut ngjan befasues, e vërteta është se nuk duhet të jetë, pasi shumë kohë para se të shfaqej pranvera arabe e futbollit (veçanërisht në dy vitet e fundit me ngritjen e Arabisë Saudite), kishte incidente të ngjashme.
Mjaft të kujtohet ndodhia në Kupën e Botës në Spanjë në vitin 1982, kur ndeshja Francë-Kuvajt për fazën e grupeve u ndërpre për pesë minuta.
Francezët po kalonin 3-1 kur Platini gjeti Zires brenda zonës… Një fishkëllimë nga tribuna bëri që mbrojtësit të ndalonin, por Zires vazhdoi dhe shënoi… Lojtarët kuvajtian protestuan, ku më pas Princi Fahd zbriti në fushë për t’u kërkuar të gjithëve të largoheshin. Më në fund, pas negociatave, arbitri rus Stupar e anuloi golin. /tesheshi.com/
