Një operacion i madh i drejtorisë Antimafia është zhvilluar në Siçili, ku është zbuluar një aferë e pushtetarëve lokalë që kanë pastruar paratë e mafias.
Pikërisht prokuroria që po ndjek rastin “Habilaj” ka hetuar një dosje, ku përfshihen zyrtarë e sipërmarrës italianë nga veriu në jug.
Bëhet fjalë për tendera me vlerë 350 milionë euro, të cilët kanë qarkulluar në bashkëpunim me drejtuesit lokalë të Katanias.
Siç bën të ditur Ansa, janë arrestuar biznesmenë dhe zyrtarë në Katania, Romë dhe Milano, që janë pjesë e një operacioni të madh të pastrimit të parave.
Hetimet e DIA-s kanë zbuluar të dhëna shokuese të bashkëpunimit të zyrtarëve italianë me klane të rëndësishme të Cosa Nostra-s siçiliane. /tesheshi.com/
