Katalonja është zgjuar sot në një realitet virtual me dy anë, njëra si Republikë më vete dhe tjetra si Spanjë e bashkuar.
Nga kancelaritë e dy palëve kanë nisur të dalin urdhërat që normalisht presin të zbatohen nga dikush. “Republika Katalane” ka me vete 754 krerë bashkish në gjithsej 947 njësi vendore në të gjithë Katalonjën. Ka me vete gjithashtu një pjesë të Mossos, policisë lokale katalane.
Por Spanja ka gjithçka tjetër që mbetet: policinë, ushtrinë, 52% të zgjedhësve katalanë që në vitin 2015 votuan për të qëndruar me Spanjën, ka PPE-në, partinë në pushtet të kryeministrit Rajoy, rivalin e tij historik PSOE-Partia Socialiste e Punëtorëve të Spanjës, por edhe opozitën e Podemos, e cila nuk përkrah pavarësinë e Katalonjës.
Gjithashtu ka me vete edhe SHBA, BE-në dhe komunitetin ndërkombëtar.
Por shpallja e pavarësisë së Katalonjës ka krijuar një proces gati eksploziv në Europë. Vetëm dje përfaqësuesit e Partisë Indipendentiste skoceze, e cila fiton votat në çdo zgjedhje, paralajmëruar shkëputjen nga Britania e Madhe. /tesheshi.com/
