Mbi 300,000 qytetarë kanë protestuar sot në Barcelonës kundër dhunës policore, që u ushtrua gjatë referendumit të 1 tetorit për pavarësinë e Katalonjës.
Protestuesit ishin mbledhur në qendër të qytetit dhe brohoritshin “jashtë forcat okupuese” dhe “rrugët do të jenë gjithmonë tonat”.
Policia spanjolle të dielën i është përgjigjur me dhunë qytetarëve që kishin dalë të votonin në referendumin për pavarësi, ndërsa materialet e votimit ishin konfiskuar.
Mbi 800 qytetarë u dhunua, një pjesë e të cilëve iu drejtuan spitaleve për të kërkuar ndihmë mjekësore.
Madridi nuk njeh rezultatin e referendumit, të cilin e konsideron si jokushtetues. Mbi 90 % e pjesëmarrësve në referendum mbështetën pavarësinë e Katalonjës, ndërsa Presidenti i rajonit deklaroi se proçedura do të vazhdojë në Parlament, që pritet të ratifikojë këtë rezultat. /tesheshi.com/
