Aktivistët që mbështesin shkëputjen e Katalonjës nga Spanja, bllokuan rrugët dhe linjat hekurudhore në një 1-vjetorin e referendumit të paligjshëm mbi pavarësinë.
Protestat u thirrën nëpërmjet një aplikacioni në celular nga të ashtuquajturat “Komisionet për Mbrojtjen e Republikës”, grupe aktivistësh lokalë që u formuan pas referendumit në Katalonjë më 1 tetor të vitit të kaluar.
Në Girona, në veri të Barcelonës, qindra aktivistë bllokuan vijën hekurudhore.
Mediat lokale raportojnë se autostrada AP-7 është bllokuar përgjatë pjesës lindore të Katalonjës që çon në kufirin me Francën.
Rrugët janë bllokuar si në Barcelonë, ashtu edhe në Lleida, raporton AP.
Dy ditë më parë, në përleshjet midis separatistëve katalanas dhe policisë në Barcelonë, rreth 10 vetë u plagosën dhe gjashtë u arrestuan. /tesheshi.com/
