Presidenti i Katalonjës kërkoi ndihmë ndërkombëtare për të zgjidhur mosmarrëveshjen e saj të pavarësisë me Spanjën, duke thënë se Evropa nuk mund të vazhdojë të injorojë çështjen pasi gati 900 vetë u plagosën gjatë sulmit së policisë kundër mbajtjes së referendumit.
“Komisioni Evropian duhet të inkurajojë ndërmjetësimin ndërkombëtar”, tha Carles Puigdemont, raporton The Guardian.
Të paktën 844 persona dhe 33 policë, raportohet të jenë lënduar të dielën pasi policia sulmoi qendrat e votimit, duke tërhequr zvarrë votuesit dhe duke gjuajtur plumba gome në turma.
“Dhuna kurrë nuk mund të jetë një instrument në politikë. Ne besojmë në udhëheqjen e kryeministrit Mariano Rajoy për të menaxhuar këtë proçes të vështirë në respektimin e plotë të kushtetutës spanjolle dhe të të drejtave themelore të qytetarëve të mishëruara atje “, tha Puigdemont.
Operacioni policor u kritikua gjithashtu nga komisioneri i lartë i OKB për të drejtat e njeriut, i cili tha se ishte “shumë i shqetësuar” nga dhuna në Katalonja.
“Me qindra njerëz raportojnë se janë plagosur, u bëj thirrje autoriteteve spanjolle të sigurojnë hetime të plota, të pavarura dhe të paanshme në të gjitha aktet e dhunës”, tha Zeid Ra’ad al-Hussein.
Sipas tij, përgjigjet e policisë në çdo kohë duhet të jenë proporcionale dhe të nevojshme. /tesheshi.com/
