Ndërprerjet në internet dhe mbylljet e komunikimit nuk janë një fenomen i ri. Vetëm këtë vit, vendet si Venezuela dhe Sudani kanë hasur në probleme të këtilla.
“Qeveritë e bëjnë këtë për të kontrolluar informacionin, për të kontrolluar aftësinë e individëve në një zonë të caktuar dhe për të vepruar kundër organizimeve të ligjshme dhe paqësore”, thotë David Kaye, Raportuesi Special për Lirinë e Opinionit dhe Shprehjes ne OKB.
Sidoqoftë, në një rajon si Kashmiri, një nga më të ndjeshmit në botë ku tensionet janë tepër të larta, ndërprerjet në internet mund të jenë tepër serioze.
Territori i diskutueshëm ka qenë prej kohësh një pikë e parë midis dy fqinjëve të armatosur bërthamorë – Indisë dhe Pakistanit. Të dy vendet administrojnë zonat e Kashmirit por pretendojnë se rajoni i takon vetëm njërës palë.
Kjo mosmarrëveshje ka qenë në qendër të konfliktit periodik për gati 70 vjet.
“Kur nuk sulmojnë njëri-tjetrin në kufij, ata janë duke shkëmbyer sulme verbale dhe propagandë kundër njëri-tjetrit,” thotë Anuradha Bhasin, redaktor ekzekutiv i Kashmir Times.
Mbyllje e komunikimit
Trazirat vluan në gusht, kur Kryeministri Indian Narendra Modi hoqi statusin e veçantë të rajonit, duke pamundësuar qe Kashmiri të punoj krahas ligjeve të veta.
Duke parashikuar trazira, India imponoi një mbyllje gati të plotë të komunikimeve në të gjithë Kashmirin. Linjat telefonike, interneti dhe rrjetet televizive u bllokuan dhe u vendosën kufizime për lëvizje.
Organizata monitoruese NetBlocks vuri në dukje se lidhja ra nga 100%, një ditë para se Kashmirit ti hiqej statusi i saj i veçantë.
Kombet e Bashkuara i kanë bërë thirrje Indisë që të përfundojë bllokadën komunikuese, duke i thënë se ky është në kundërshtim me detyrimet e ligjit ndërkombëtar”.
Por ndërsa qytetarët në Kashmir nuk kanë qenë në gjendje të komunikojnë, pjesa tjetër e botës gjithashtu mbështetet në informacionin në internet.
Në vend që të kufizohen dezinformatat, ekziston frika se ndërprerjet e internetit i shkojnë në favor situatës tashmë të tensionuar gjeopolitike. /tesheshi.com/
