Koloneli rus Mikhail Mizinchev nuk ka asnjë hezitim të “sakatojë” edhe oficerët dhe ushtarët e tij, siç zbulohet në një dokument audio.
Ky ushatarak i lartë i palës agresore konsiderohet të jetë pas bombardimeve masive të Mariupolit.
Cinizmi që dallon kolonelin rus Mikhail Mizinchev, i cili quhet “kasapi i Mariupolit”, pasi konsiderohet se ka dhënë urdhrat për bombardimin si të maternitetit ashtu edhe të teatrit të qytetit në brigjet e bregut të Azovit, është paraqitur në një fragment audio, një bisedë që ai ka pasur me një oficer të ushtrisë ruse, e cila është zbuluar në mediat ndërkombëtare.Sipas The Sun, Mizinchev, i cili zyrtarisht njihet si drejtor i Qendrës së Menaxhimit të Mbrojtjes Kombëtare Ruse, dyshohet se ka kërkuar të mësojë nga oficeri se pse nuk i kanë prerë veshët njërit prej ushtarëve, sepse ai kishte veshur uniformën e gabuar(!).
Ai i kërkon oficerit dhe ushtarëve të tjerë që ta godasin me shishe në fytyrë teksa dëgjohet të thotë ndër të tjera: “Shikoni këtë llum që qëndron aty. Pse po i shërben ende ushtrisë sonë? Dhe pse duhet të humbas kohën time me të? Pse askush nuk ia preu veshët? Pse ky idiot nuk po vuan akoma? Goditeni atë në fytyrë me një shishe”.
Materiali është bërë i ditur nga Oleksandr Serba, ish-ambasadori i Ukrainës në Austri.
Sergei Bratsuk, një zëdhënës i administratës ushtarake të Odessa-s, akuzoi kolonelin Mizinchev për urdhërimin e disa sulmeve vdekjeprurëse në Mariupol, të cilat rezultuan në qindra vdekje civile.
“Ai urdhëroi bombardimin e një materniteti, një spitali fëmijësh, një teatri dhe shtëpive të civilëve,” tha Bratschuk. “Ai është ai që po shkatërron Mariupolin, siç po shkatërronte qytetet siriane”, shtoi ai.
Duke folur për rrethimin e qytetit në një konferencë të Ministrisë ruse të Mbrojtjes, koloneli Mizinchev përsëriti linjën e Kremlinit, duke akuzuar “terrorin masiv” të shkaktuar në qytet nga “neo-nazistët”.
Nga ana tjetër, një aktiviste ukrainase, kërkoi që fytyra e këtij ushtaraku rus të fiksohet.
“Mbajeni mend këtë person. Ky është Mikhail Mizinchev. Ai po udhëheq sulmet në Mariupol. Është ky personi që ka urdhëruar sulmet në spitalin e fëmijëve, në teatrin dhe në shumë godina të tjera të banimit”, shkroi kryetarja e Qendrës së Ukrainës për Liritë Civile, Oleksandra Matviichuk. /tesheshi.com/
