Kreu i diplomacisë serbe Ivica Daçiç, ka përdorur rastin e Shqipërisë në lidhje me negociatat, në një reagim ndaj Brukselit lidhur në kërkesën për të mos lidhur marrëveshje me Bashkimin Ekonomik Euroaziatik(EAEU), nëse kërkon të integrohet në Europë.
“Shqipëria ka përmbushur 100% të kushteve, gjithçka që dëshiron BE kur bëhet fjalë për politikën e jashtme, por që nuk mund t’i hapen negociatat”, ka deklaruar Daçiç në një prononcim për median shtetëtore serbe.
Daçiç tha se nuk bëhej fjalë për dëshirën e Serbisë për t’u bërë anëtare e Bashkimit Euroaziatik, por për të mbrojtur interesat kombëtare dhe ekonomike.
“Nuk është se Serbia dëshiron të bëhet anëtare e Bashkimit Euroaziatik. Serbia ka marrëveshje të tregtisë së lirë me vende të ndryshme, jo vetëm me BE-në. Kur Serbia bëhet anëtare e BE-së, së pari duhet të përfundojë të gjitha ato marrëveshje dhe të respektojë tregtinë e jashtme dhe doganat”, tha Daçiç.
Ministri i Jashtëm i Sllovakisë, Mirosllav Lajacak tha më herët se nënshkrimi i paralajmëruar i Marrëveshjes së Tregtisë së Lirë me Bashkimin Euroaziatik nuk e afron Serbinë drejt qëllimit të saj strategjik, që është anëtarësimi në BE. /tesheshi.com/
