Karrierën e nisën vonë, por lanë gjurmë në lojën e futbollit

Talentë të shumtë të futbollit europian dhe atij botëror fillojnë karrierën profesionale duke debutuar në moshë shumë të re. Mirëpo, disa prej tyre e kanë shtyrë atë duke debutuar në moshë shumë më të vonë se ajo normalja. Madje, disa prej tyre kanë lënë gjurmë në histori të futbollit duke u bërë kështu emra të paharruar dhe legjenda në vendet e tyre.

“tesheshi.com” ju sjell debutimin e vonshëm të pesë futbollistëve të cilët pos që lanë gjurmë në skuadrat e tyre,  ata u shndërruan në heronj edhe në kombëtare e tyre.

1. Miroslav Klose

E nisim me gjermanin e natyralizuar. Futbollisti me prejardhje polake ka debutuar në moshën 20-vjeçare dhe pas një viti ai u bë hero në kombëtaren e tij.

2. Didier Drogba

Deri në moshën 21-vjeçare nuk kishte nënshkruar kontratë profesionale. Sulmuesi nga Bregu i Fildishtë atë kohë kishte nënshkruar për skuadrën franceze Le Mans, ndërsa tani pas shumë viteve është njëri ndër sulmuesit më të mirë në botë.
 

3. Gabriel Batistuta

Historia me sulmuesin legjendar të Argjentinës është më e veçantë. Ai deri në moshën 19-vjeçare ishte basketbollist, mirëpo pasi vendi i tij e fitoi Kupën e Botës ai u inspirua dhe kështu vendosi të ndryshonte profesionin për tu bërë më pas njëri ndër lojtarët më të mirë argjentinas.

4. Javi Varras

Portieri i Sevillas bëri debutimin e tij në karrierën profesionale si 27-vjeçar dhe ishte njëherit ndeshja më e mirë në karrierën e tij. Ai priti penaltinë e futbollistit më të mirë në botë atë kohë, argjentinasin Lionel Messi përballë Barcelonës.
 

5. Rickie Lambert
Sulmuesi anglez nuk pati mundësi të paraqitet në skuadrën e parë deri në moshën 30-vjeçare. Megjithatë ai fitoi një vend në Kombëtaren angleze dhe ishte i pranishëm në botërorin e fundit që u mbajt në Brazil. /tesheshi.com/