Karlo Bolino, drejtues i Shqiptarja.com ka zbuluar faktin se pak kohë më parë ka ngritur një padi ndaj ish-kryeministrit Berisha për shpifje.
Kjo ka ardhur pas një replike në distancë që Bolino ka prej dy ditësh me të birin e Berishës, Shkëlzenin, pas një padie që ky i fundit ka ngritur ndaj 5 gazetarëve të Shqiptarja.com lidhur me një lajm me të në qendër, duke kërkuar dhe arrestimin e tyre.
“…tre muaj më parë unë kam ngritur një padi për shpifje ndaj babait tuaj. Kam hapur një proces civil dhe nuk kam kërkuar arrest siç po bëni ju me pesë kolegët e mi. dëshiroj thjesht që, pas 20 vjetësh, të jetë një gjykatë shqiptare ajo që vendos që babai juaj gënjen”, shkruan Bolino, duke aluduar më tej se padia e ngritur nga Shkëlzen Berisha për 5 gazetarët e medias se tij, është një formë presioni për padinë e tij ndaj ish-kryeministrit Berisha.
Bolino shkruan më tej se ndihet i çuditur për zvarritjen e procesit dhe mosparaqitjen e Berishës në gjykatë për t’u përballur me padinë. /tesheshi.com/
