Papa Françesku ka përjashtuar, “për shkak të mungesës së provave të mjaftueshme”, një hetim të ri kundër kardinalit kanadez Mark Ouellet, i cili është akuzuar në vendin e tij për ngacmim seksual, siç tha sot zëdhënësi i Vatikanit Matteo Bruni.
“Papa Françesku deklaron se nuk ka prova të mjaftueshme për të nisur një hetim të rregullt (d.m.th fetar) të abuzimit seksual nga kardinali Ouellet kundër personit F. (letra me të cilën i referohet paditësit)” shënohet në deklaratë.
Marc Ouellet, 78 vjeç, ish-kryepeshkop i Quebec-ut, është sot kreu i Konferencës së Ipeshkvijve, një nga institucionet më të rëndësishme të Vatikanit. Në vitin 2020, F. pretendoi se gjatë kohës që ishte praktikante, mes viteve 2008-2010, ishte ngacmuar seksualisht nga kardinali dhe gjithashtu nga një koleg. Komiteti Këshillimor i Dioqezës së Quebec-ut për Abuzimin Seksual më pas rekomandoi që ajo t’i drejtohej Papa Françeskut, i cili u përgjigj duke caktuar klerikun Zhak Cervet për të hetuar rastin.
Bazuar në provat e mbledhura nga Cervet, Papa vendosi të mos hetonte më tej Ouellet. Deklarata e zëdhënësit, e shkruar në italisht, përfshin – në mënyrë të pazakontë – deklaratën në frëngjisht, që Cervet i bëri papës kur ai kontaktoi me të dhe u sigurua se nuk kishte asnjë arsye për të vazhduar hetimin.
“Nuk ka asnjë arsye të vlefshme për të hapur një hetim mbi sulmin seksual ndaj F. nga kardinali M. Ouellet,” citohet të ketë thënë Cervet. /tesheshi.com/
