Britanikët kanë shumë për të mësuar nga “ngazëllimi i besimit musliman” të emigrantëve të rinj, përfshirë refugjatët, ka thënë kreu i Kishës Katolike Romake në Angli dhe Uells.
Kardinali Vincent Nichols tha se emigrantët kanë duruar një atmosferë frike të përkeqësuar që nga referendumi i BE-së, me anëtarët një publik që herëpashere ka shprehur urrejtje në një mënyrë vetë-toleruese.
Ai akuzoi politikanët për “tregtinë me frikën” dhe tha se historitë nëpër media duke portretizuar në vazhdimësi emigracionin në një dritë negative janë treguar “gërryese të natyrës sonë më të mirë”.
Në një intervistë për BBC, ai këmbënguli se shoqëria britanike gjithnjë e më laike mund të mësojnë shumë nga besimi i të sapoardhurve qoftë të krishterë, muslimanë apo pasues të feve të tjera.
“Unë mendoj se ky vend do të përfitojë aktualisht nga ngazëllimi i besimit të krishterë të cilin shumë njerëz e kanë sjellë këtu,” tha ai.
“Sigurisht që ne duhet të mësojmë shumë edhe nga ngazëllimi i besimit musliman që vjen këtu.”
Kardinali shtoi më tej: “Mendoj se kriza e emigracionit është e vërtetë dhe ajo ka nevojë për përpjekje të bashkërenduar për ta trajtuar atë.
“Ajo duhet të trajtohet realisht me burime dhe legjislacion të duhur, por kjo është pothuajse e pamundur për t’u bërë në një atmosferë të këtillë, në të cilën frika dhe urrejtja janë karakteristikat dominuese.
Nuk i bën askujt dobi kjo mënyrë vetë-toleruese, në të cilën njerëzit kanë filluar të shprehin veten dhe kjo neveri dhe urrejtje e tyre ndaj njerëzve që ata i shohin ndryshe nga vetja.
“Dhe kjo është duke krijuar një kulturë të frikës në mesin e njerëzve të cilët janë të mirëpritur këtu”, tha Kardinali Vincent Nichols. /tesheshi.com/
