Kleriku katolik më i moshuar në botë, i cili po gjykohet nën akuzat për abuzim seksual të fëmijëve, Kardinal George Pell, ka dështuar në apelin që i ka bërë dënimit të tij, e megjithatë pohon se është i pafajshëm.
Në një deklaratë të shkurtër të lëshuar pas vendimit, Vatikani përsëriti se Pell po mbronte pafajësinë e tij, dhe se tani ishte “e drejta e tij që të dërgonte apelin në gjykatën e lartë te Australise”.
“Tani që po flasim, së bashku me kishën në Australi, Selia e Shenjtë konfirmon afërsinë e saj me viktimat e abuzimit seksual dhe angazhimin e saj për të ndjekur të gjithë ata anëtarë që kryejnë abuzime të tilla,” thuhet në deklaratën e Vatikanit. Askund nuk u përmend që kardinalit Pell t’i hiqet titulli që aktualisht mban.
Të mërkurën, gjykata e apelit në Melburn të Australisë hodhi poshtë ankesën e Pell, pasi dy nga tre gjyqtarët e apelimit thanë se akuzat ndaj tij janë bindëse dhe nuk meritojnë të hiqen. /tesheshi.com/
