Shërbimi doganor holandez kapi më shumë se 1.6 ton kokainë në portin e Roterdamit, e cila ishte fshehur në ngarkesat me banane, kakao dhe kanellë në portin e Roterdamit.
Droga, e vlerësuar në më shumë se 126 milionë euro, ishte fshehur në tre kontejnerë të mëdhenj, të cilët mbërritën në portin më të madh të Europës.
“Kontenieri i parë mbërriti nga Ekuadori, ai ishte i ngarkuar me banane të destinuara për kompaninë në Barenderh, një qytet afër Roterdamit,” thanë prokurorët.
Ata shtuan se droga në një kontejner tjetër u gjet në një ngarkesë me kokrra kakao, gjithashtu nga Ekuadori, e cila kishte kaluar nëpër Kolumbi, Antwerp(Belgjikë) në fund në Roterdam.
Kontejneri i tretë, i cili përmbante kanellë, duhet të shkonte në Portugali dhe në të janë gjetur pesë çanta sportive të mbushura me lëndë narkotike.
Sekuestrimi i drogës në Roterdam këtë vit është rritur në krahasim me vitin e kaluar, për këtë arsye shumë e konsiderojnë këtë port një nga portat kryesore evropiane kur bëhet fjalë për trafikun e drogës, veçanërisht të kokainës.
Organi kundër krimit i BE-së ka paralajmëruar se Holanda dhe Belgjika fqinje po bëhen qendra kryesore për trafikun e drogës, veçanërisht për dërgesat që vijnë nga Kolumbia.
Pas kanabisit, kokaina është droga e dytë më e njohur në Evropën Perëndimore dhe Qendrore, me rreth 4.4 milionë përdorues vitin e kaluar, sipas një raporti të BE-së. /tesheshi.com/
