Gjashtë muaj pasi Joaquin Guzman u arrratis nga burgu, do duhet të kthehet përsëri në të pasi ka rënë në duart e policisë meksikane.
I njohur gjithashtu si “El Chapo”, ai u kap në Sinaloa pas një shkëmbimi zjarri me forcat e sigurisë. Vetë bosi i drogës nuk është lënduar, por pesë persona u vranë dhe një marins meksikan u plagos.
Joaquin Guzman, shefi i kartelit të drogës së Sinaloas, qe njeriu më i kërkuar i Meksikës qëkurse u arratis gjashtë muaj të shkuara nga një burg i sigurisë së lartë.
Vetë presidenti i Meksikës, Enrique Pena Nieto, e lajmëroi arrestimin e bujshëm në Twitter, “Misioni u krye! E mbërthyem!”
“El Chapo” u kap për herë të parë në Guatemalë në vitin 1993, por ia doli të arratisej në vitin 2001 nga një burg në perëndim të Meksikës.
Në korrik të vitit të shkuar do të arratisej përsëri vetëm 17 muaj pasi i qenë vënë prangat. /tesheshi.com/
