Një sasi e madhe kokaine është kapur mbrëmë vonë në Portin e Durrësit, zbuluar brenda një mauneje që do nisej drejt Italisë. Bëhet fjalë për 618 kg, pra gjysëm toni, gjendur brenda një ngarkese me banane.
Kjo llogaritet dhe si sasia më e madhe e drogës kapur ndonjëherë në Portin e Durrësit.
Paraprakisht thuhet se sasia ka ardhur nga Kolumbia, për t’u çuar më pas drejt vendeve europiane.
Interesant është fakti se operacioni është ndërmarrë nga Krimet e Rënda, po hetohet nga kjo instancë, duke mos e lënë policinë lokale që të jetë ajo prezente. /tesheshi.com/
