Një krokodil i madh 4.4 metra i gjatë u kap në një vend të njohur turistik në Australinë veriore.
Krokodili, i cili vlerësohet të peshojë 350 kilogramë, u kap nga rojet të premten e kaluar në një kurth në Parkun Natyror të Lumit Flora, një destinacion i njohur turistik në jugperëndim të qytetit Katherine.
Krokodili është kapja më e madhe në zonë në vitet e fundit, tha një zëdhënës i Departamentit të Turizmit, Sporteve dhe Kulturës në këtë pjesë të Australisë.
Ai shtoi se zvarraniku u dërgua në një fermë krokodili dhe mund të përdoret për mbarështim.
Në korrik 2018, një krokodil deti edhe më i madh me përmasa 4.7 metra u kap në pothuajse të njëjtën zonë, shkruan CNN.
Krokodilët e detit janë specia më e madhe e krokodilëve dhe zvarraniku më i madh i gjallë në botë.
Meshkujt e rritur mund të arrijnë 7 metra dhe peshojnë 997.9 kilogramë.
Vlerësohet se 100,000 krokodilë jetojnë në territorin verior australian. Ato mbrohen nga ligjet shtetërore dhe kombëtare. /tesheshi.com/
