Thënia epistolare e Jozefina Topallit këtu e ca vite më parë, “kapeni për zhelesh e xereni jashtë”, adresuar deputetit Balla, u aplikua këtë të hënë në parlamentin grek.
Zëdhënësi dhe njëherësh deputeti i partisë neonaziste “Agimi i Artë”, Ilias Kasidiaris u nxorr forcërisht nga ambientet e brendshme, pasi ofendoi por dhe tentoi të ushtronte dhunë, ndaj një deputeti të djathtë.
Ilias Kasidiaris shtyu në mënyrë të dhunshme Nikos Dendias të partisë “Demokracia e Re”, ish-ministër i Mbrojtjes së 2-3 viteve më parë, teksa ky po i kalonte afër e ai po fliste. Madje disa deputetë të ”Agimit” hodhën dhe ujë mbi Dendiasin.
”Ju po infektoni parlamentin. Dilni jashtë!”, tha me ton të lartë e të prerë, kryesuesi i seancës, Makis Balaouras, duke iu drejtuar deputetëve të “Agimit të Artë”. Ai më pas thirri një polic që të nxirrte jashtë sallës Ilias Kasidiarisin.
Ndërsa deputeti Nikos Dendias, tha se incidenti me të ishte një fyerje e rëndë ndaj kushtetutës greke. /tesheshi.com/
